قصه ليلى والذيب بس بالعراق لاتفوتكم

عدد الرسائل : 5 تاريخ التسجيل : 27/08/2008

في يوم من الايام رادت ليلى تروح البيبيتها اللي تسكن بالغابة اللي تخرع فانطتها امها سله وبيها شوية من الدولمه هديه الها.
وصلت ليلى للغابه وهي تمشي بيها وتغني فرحانة خاله شكو شنهو الخبر كوليلي وجانت الطيور تغني وياها وتكول اوي اوي ولكن سمعت ليلى صوت يخرع ورى الشجره الي غاد فركضت خطية حتى تعرف شكو ماكو .

انلصمت ليلى من شافت الذيب الشرير ورى الشجره فسِألته وهي مثوللة عمي الذيب ليش عيونك كبار جنك بومه جاوبها الذيب وروحه طالعة عمي عوفيني عندي شغل .
اندهشت ليلى من هذا الجواب التحفه. جيف هي ثولة رجعت مرة ثانية تغني اغنيه كلي يا حلو منين الله جابك.ولكن هم ردت سمعت الصوت القوي .
وراحت تشوف شكو وشافت الذيب هم هناك.
وسالته ولكن جانت خايفة وكالت عمي الذيب ليش اذانك اكبار جنها اذان الشيطان؟ جاوبها الذيب وطاكة روحه لِج هاي غير طركاعه
.رجعت ليلى تغني وكلبها مفطور من القهر لان عمها الذيب ماجاوبها زين.
بس الصوت ظل يرن بأذانها فهرولت عالشجرة الخاتل وراها الذيب وسألته بخباثة وكالت عمي الذيب ليش حلكك جبير جنه حلك هاله سرحان؟جاوبها الذيب وروحه واصلة الخشمة ليش متجوزين مني يعني الواحد ميعرف يبول ابهل غابه؟ ::

ان شاء الله تعجبكم

انتظر ردودكم
ضحك